Itzartze

Boladan nabil maitasunarekin

Suteak izeki ditu haurren biriketan lahardiok hesiok hitzok

Gogaituta gagoz hildakoak plagiatzen

Eta datozen egunen kristal hautsietatik bihotza ez dela panfleto zimur bat oihukatuko dut

Talaiaria loak lotzen duela etxe jaso berrian

Alferrik iragarriko dituztela garai hobeak sismografoek

Bakarrik gagozala eta eder geure ezinean

Berriki ezerk salbatuko ez gaituen islak heldu zaizkit ibaitik

Ez gure libertadearen pareta lurmendatzeak

Ez gaua aldeztu nahi izateak zure begietara makurturik

Gure untziolek mamitu dute ehun hitzetara ekarritako abandonatze hau

Gerrian hildakoen liburua xerkatu dizut maizegi

Eta horren damu naiz

Ez dut salbatu nahi

Belar onaren ohantzean gozatzen zaitut