Orenen zakurrak gure pertsekuzioan

Zerua goian

Lurra hemen

Aterrunik gabe

Gu debalde

Egunen batean nahiko zaitut

Ifarra galtzean ero eskaintza

Eta asasino bilatuz aterrun

Non gorde non deskantsa

Maiteko zaitu teilatu eskaratzak

Bizirik inor ezingo baita geratu

(Gu bion bihotzek bi teilatuen juntan)

Elektragailu mortiferoak salbu

Krimen bat egin banu

norbait gaseatu

labean erre banu

nazi banintz ere

androginoren batekin oheratu

bezain oker erresakan

utikan

nonbaitean aizkora da lanean

haren hortzetan nahi nuke deskantsa

alde batetik ezik ingura nazala.