Arriskua maite

                Eskaintzakiko poema

                        «lo supe por un almendro

                        que la experiencia engañaba

                        echaba blancas flores

                        mas su fruto amargaba

                        como amargan tus amores»

                                                    (Herrikoia)

Kafe gaua tantoka

barne patioan

gorria eta beltza

a duo

pentsalizunak

bertatik barrura

eulitxoak ugaltzen

diren gordelekuetarat

non hautsontzietan malko

pipermiñ eta koñak

zipriztinak pausatzen

direla astiro

sexu berdinekoen

ordu aproposena denean

non gure haragiak

ez diren nahasten jada

Hi beltzunearena

hintzenan

zakil eta odol ilun

amorio kutsatuak

borrastu geninanean

beltzaz soilik ez

nitxonan jabetu

botoi oro zulatuz

lore granateak besarkatuz

Jaso dinat merezi ninana

ni ez nitxon inorena

haragi hondoan nebilen

anbiguo biraka