Landu dezagun baratzea, Kandido

Nekaturik jaio ginen,

Hainbeste neke hartu zituzten

Gugatik gure aurrekoek!

Sisiforena modukoa haiena

Bizitza aldapatsua,

Behin eta berritan,

Majina bat bider

Soro barrenak

Jaso omen zituzten, ermano.

Begira baleude!

Hamaikatxotan esandakoa

Goiza zabaltzerako jeiki,

Eta izerdi patsetan ibiliagatik

Ilunabarrerarte ibiliagatik

Ez eta gatz-ozpindu

Batentzat ere lain egin.

Lahar malkar da gaur ordea ordeka

sasi-bete itsasoa

Lurrean nahiko lanik ezta

Ilargi bidera doa

Gizateria osoa

Landu dezagun baratzea

Analizatu gabe lan egitea

izango da bizitza eramangarria

egiteko era bakarra baina

Portuan inor eta ezer laga gabe

Hil den arrotza bezain

Abandonaturik halen ahaleginak

Nekazariak haiek

Gu nekazaleak

Nola aberastuko langilea?