Eskuekin ireki genituen bideak,

koreografiatu hausturak,

elkarbanatu ginenaren

eta izozteen arteko distirak.

Urteetan argiari uko egin geniolako

bilakatu ginen izaki lauso,

lurraren eta zeruaren arteko

ardatza galdu zuten zurtoin.

Eman gabeko pausoek

zulo sakon bat ireki zuten

zanpatutako lur lohituan.

Hatsari eutsi genion

itzalen artean

udaberria iritsi arte.