Korapilo batek

bertze bat dakar            hari eginda

zentrifugoak    zentrifugatuak

josiak zulatuak zeharkatuak

mutu isil damu

korapiloek egin gaituzte

askatuezinezkoskolagara

leinuz mamuz

diagnosi            antropozentrikoz

salbatzailez heroiez

herdoilduak

jaten ematen

eta dardararazten gaituen soka gara

korapiloek elkarrekin mantentzen gaituzte

hur(ko) aurreikusitako bidetik

ateratzerik ez

soka amaren eskuak dira

askatu ezin izan ditugun

txorien hegaldiak

dena ez da gure dena ezin da arnastu

haizeak ezegonkortzen  gaitu

orekarik gabeko penduluak

errealitatearen ziba

korapiloz eginak gara

damuz minez ilusioz irrikaz beldurrez hareaz denboraz

zuloek egin gaituzte    amarratzeek

estuki lotzeek

 

maite zaituenak libro nahi zaitu

loturez            egin gaituzte

genealogien hausturez hezurdurez penitentziez

galdutako guztiez

estutzen

gaituen sokaren haria gara

muturra txinparta kliska

askatu ditugun eta ezin izan ditugun

korapiloek egin gaituzte

itotzen gaituen sokaren nahaspila baino ez

erregututako zeinuen eta men egindako

doktrinen errepikapenez