Poesia kaiera
Inferno, V, 129
Bertan behera uzten dute liburua,
jakinik berak direla liburukoak.
(Beste bat dute biziko, gailena,
baina zer axola noski berei).
Paolo eta Francesca dira orain,
ez bi lagun alegia baten
zaporea partekatzen.
Sinesgaitz begiratzen diote, miraz, elkarri.
Eskuek ez dute lagunarenik ukitzen.
Aurkitu dute altxor bakarra:
topatu dute bestea.
Ez diote traizio egiten Malatestari,
hirugarren bat eskatzen baitu traizioak
eta biak bakarrik baitira munduan.
Paolo eta Francesca dira
eta halaber erregina eta haren maitalea
eta izan diren maitale guztiak,
hasi Adam eta haren Ebarekin
hantxe Paradisuko belartzan.
Liburu batek, amets batek die jakinarazten
Bretainiako lurretan amesturiko
amets baten formak direla.
Beste liburu batek die eragingo gizonei,
berak ere amets, haietaz amets.
Inferno, V, 129
Dejan caer el libro, porque ya saben / que son las personas del libro. / (Lo serán de otro, el máximo, / pero eso qué puede importarles.) / Ahora son Paolo y Francesca, / no dos amigos que comparten / el sabor de una fábula. / Se miran con incrédula maravilla. / Las manos no se tocan. / Han descubierto el único tesoro; / han encontrado al otro. / No traicionan a Malatesta, / porque la traición requiere un tercero / y sólo existen ellos dos en el mundo. / Son Paolo y Francesca / y también la reina y su amante / y todos los amantes que han sido / desde aquel Adán y su Eva / en el pasto del Paraíso. / Un libro, un sueño les revela / que son formas de un sueño que fue soñado / en tierras de Bretaña. / Otro libro hará que los hombres, / sueños también, los sueñen.