Nazio Batuen hogeita bosgarren urtemugan: 1970

 

 

                           1

 

Gizon eta emakumeek uren arintasunaz

haurren alde eginez

eraldatzen dute mundu eder hau

 

non eguneroko borroka arruntak ezin baitu ikusi

lurrazal gandorraren azpiko itsasaldi naturala,

ezin du ikusi lur bakar eta ohikoa

urak

egin aurretik:

uste larri batez erditu edo banatzen da

kontinente ibilgarri eta sendoa,

bizitza ibiltari sinple eta bakarrerako dugun lur hau.

 

Eta halere aurrera egiten dugu

 

badago modurik zuhaitzak zenbatzeko

erori hurrena

eta heriotza ez da ospatzeko unea.

Amaieraren aurreko guztia da dena.

 

 

                       2

 

Argia da historia sutan.

Ahaztu dezagun argia.

Defini al dezake inork

izarra definitzen duen iluntasuna?

Ezagutu behar dugu iluntasun hori,

ametsen helmuga izan eta gu hartzen gaituena.

 

 

                       3

 

Izen ugariko unibertsoan maitasunak

isiltasunak bezainbeste egiten du huts

maitasuna

denean hitza

 

Eta lehenengo lekukoaren oihutik aurrerako guztiak

giza arimak entzungo ditu soilik

lekukoak bere tokia hartzen duenean