Electric Slide Boogie

Urte berri eguna, gaueko 1:16

eta nire gorputza nekatuta dago, denboraz harago

nekatuegi etzan eta atseden hartzeko

gela zabalak denen buruak ikusten uzten zidan

baina komunitatea deika ari da

juxtu atearen bestaldean

bateriak ekin eta ekin paretetan barrena

haurrak beren antzerkitxoetan jostetan

kakotegi tolesgarri baten azpian

nire gelaz kanpoko korridore estuan.

Ondoko gelan, telebista topera dago

gauerdia da Idahon

taupada, ordea,    arina da  sotila    jira-biran

Electric Slide Boogieren erritmoan

pausoka-pausoka

egongela pasata

jangelako kopen

dilin gozoa pasata

eta apur bat gehiegi egindako

sagar pastel holandarra pasata

denak nahas-masean

Gloriaren

algara ilun aberatsarekin

eta oktaba altuagoko bere ahizpekin.

Zer zaila den izan bizitzaren erdian lo egitea.

[1992ko urtarrilak 3]