Uda azulak betirako urrundurik

ezpainek ahantzi dituzte jainkoen izenak.

Non idoro orain hain urrun alfonbra eta oihalak

galdu denean ipar hodeietan

palmondoek irakatsitako desira.

Norbait zebilela hortik Carthaginem esse delendam

oihukatuz entzun genuen bai.

Zer esango dute orain gure lagunek?

Hilezinak ginenak

gizaki hutsalak.

Atzerrian doiliturik Karthagoko terraza hura

nork erabiliko duen

pentsatzen dut gauero.