Analfabetoa
Analfabetoa
2019, poesia
88 orrialde
978-84-17051-29-7
Azaleko irudia: Asier Mendizabal
Azalaren diseinua: Lander Muñagorri
Iñigo Astiz
1985, Iruñea
 
2012, poesia
 

 

HONDARRETAN

 

 

Ohartzerako ikasi genuen begiratzen

bortizkeriaren ñabardura ilunetan,

 

baina gurasoen sasoiak hiltzen dira

seme-alaben sasoietan aldiro

 

eta beti datoz esplikazio berriak

betikoa berriro ere berri ikusteko.

 

Gerrak ez dira sekula amaitzen

gerra bizi izan dutenen gorputzetan,

 

eta bagoaz ikasten bakea ere ez dela

fokua oker daukan erretratu bat baizik.

 

“Gas farolek erauzi zituzten izarrak

hiriko zerutik”. Walter Benjamin.

 

Gizaldi guztiak sentitzen dira

aldaketa handiren baten atarian,

 

eta gu ere ez ote gabiltzan halatsu

sasoi berrientzako hitzen bila,

 

katuak bezala eguzkitara ehizan

eroritako zibilizazioen hondarretan.