Analfabetoa
Analfabetoa
2019, poesia
88 orrialde
978-84-17051-29-7
Azaleko irudia: Asier Mendizabal
Azalaren diseinua: Lander Muñagorri
Iñigo Astiz
1985, Iruñea
 
2012, poesia
 

 

ANALFABETOA

 

 

Axolagabe doaz hodeien itzalak

lurrean zeruaren alfabetoa hedatzen,

bere jende koreografian dabil hiria

eta kanta doinu bat jaurti dit auto batek

erabat identifikatzerik lortu ez dudana.

Gogorarazi dit nola gurutzatzen nauten

uhin ikusezinek beren mezu deigarriez.

 

Guztia mintzo zait hemen

ulertzen ez dudan zerbaiti buruz.

 

Behin hieroglifiko bat laztandu nuen,

bero datorkit haren azalera hatzetara,

eta poztasun berarekin igartzen dut orain,

igarri baino ez, guztiaren atzean badela

kode bat ahoskatzea debekatu zaidana.