Non dago Basques' Harbour
Non dago Basques' Harbour
1997, poesia
130 orrialde
84-86766-73-7
azala: J&P
Koldo Izagirre
1953, Altza-Antxo
 
2016, narrazioak
2015, nobela
2013, poesia
2011, nobela
2010, saiakera
2009, nobela
2006, poesia
2006, kantuak
2005, narrazioak
1998, nobela
1998, kronika
1996, erreportaia
1995, kronika
1989, poesia
1987, ipuinak
Non dago Basques' Harbour
1997, poesia
130 orrialde
84-86766-73-7
aurkibidea
 

 

PORTUAN NERABE

 

Deitu dute umeak zabaldu du atea txo

Dauka aurrez aurre txo mozkortua du atean

Elkarren luzekoak dira prakak trukatuko dituzte arratsaldean

Schiff schiff marmarikatzen duela eta emakumezko izen bat

Lagundu dio eskaileretan zabu egiten

Ikaztegien kaian lotu zuten baforea atzo badoaz

Pirita ekarri du badoaz ontziz beteriko igande goizean

Bandera guztiak madarikatzen schiff schiff

Ikaztegien kaian Liberiako ontzi zahar bat dago

Alde egina izanen zuela Kielera joana zela

Ez zuen negar egin ganibeta atera zuen

Benetako marinel ganibeta aingurarik gabekoa giderrean

Zazpi mark pfennig batzuk Camel barraren gainean

Stella Maris apaizen taberna da baina orain meza ematen ari dira

Portuko ofizialen aurrean Maruxa dago zerbitzatzen bakarrik gaude

Kopako bana eskatu zion mutikoak Maruxari

Maruxak beha umetxo ez dizuet emanen

Orain ez al duzue etsaiaren dirua hartzen

Erantzun nion txo mozkortuarena ikasten hasia

Eta beste taberna batera egin genuen hanka

Batera egin genuen berba

Elkarren aldekoak ginen Günter zuen izena

Eta geltoki ondoko etxean

Ezindu arte maitatu genuen Monique

Atea jo nuen gurasoenean tatuaia egin berria neukan besoa agerian

Schiff schiff marmarikatzen niola zabaldu zidan ume hari