Non dago Basques' Harbour
Non dago Basques' Harbour
1997, poesia
130 orrialde
84-86766-73-7
azala: J&P
Koldo Izagirre
1953, Altza-Antxo
 
2016, narrazioak
2015, nobela
2013, poesia
2011, nobela
2010, saiakera
2009, nobela
2006, poesia
2006, kantuak
2005, narrazioak
1998, nobela
1998, kronika
1996, erreportaia
1995, kronika
1989, poesia
1987, ipuinak
Non dago Basques' Harbour
1997, poesia
130 orrialde
84-86766-73-7
aurkibidea
 

 

VICTOR HUGOREN PLEINUA

 

San Pedrotik San Juanera itsasoa da sortu

Maitasunaren malurek bertan dutela portu

Batelari beltzaranak

Nire bihotza zor du

 

San Pedrotik San Juanera itsasoa da labur

Igerian pasatzeko ni ez naiz haren beldur

Batelari beltzaranak

Mesié esan dit maltzur

 

San Pedrotik San Juanera itsasoa da hotza

Bertara jaurtita ahal zait epelduko bihotza

Batelari beltzaranak

Askatu du mototsa

 

San Pedrotik San Juanera itsasoa ilunik

Bere tostan jar ahal nendin diot gaur eskatu nik

Batelari beltzaranak

Ez dit utzi arraunik

 

San Pedrotik San Juanera itsasoa da gora

Masta goietan egin du haizeak heiagora

Batelari beltzaranak

Lotsak bildu du gona

San Pedrotik San Juanera itsasoa da bera

Uhinetan dabilenak bi santuei kandela

Batelari beltzaranak

Arina du batela

 

San Pedrotik San Juanera itsasoa da lehor

Maitasunaren zoroak barkatzen ez du nehor

Batelari beltzaranak

Ez omen dit ezer zor

 

San Pedrotik San Juanera maitasuna da zeken

Urrikirik nahi duena ez bedi hurbil zeren

Batelari beltzaranak

Ez daki hori zer den