Franco hil zuten egunak
Franco hil zuten egunak
2016, narrazioak
256 orrialde
978-84-92468-91-1
Azaleko argazkia: Itzala (AHM fototeka)
Koldo Izagirre
1953, Altza-Antxo
 
2015, nobela
2013, poesia
2011, nobela
2010, saiakera
2009, nobela
2006, poesia
2006, kantuak
2005, narrazioak
1998, nobela
1998, kronika
1997, poesia
1996, erreportaia
1995, kronika
1989, poesia
1987, ipuinak
 
Franco hil zuten egunak
Koldo Izagirre, 2016

Kaskagorrik hondartzara iritsi behar du futbolean aritzeko. Baina Franco komunismoaren mailua zen. Garai berrietara egokitu nahi du Martin de Muņagorri kazetariak. Baina Franco kardinal bat bezala elizaratu zen paliopean. Jon Larreak marrazkiak egiten ditu Saharan. Baina Francok hogeita hemezortzi tonako zeroi bat ehizatu zuen Bizkaiko Golkoan. Doluzko xingola beltza lotu du Patxi Arizkunek besoan. Baina Francok luze bizi behar zuen, Jainkoak hala nahita. Ikasle nagiak labezomorro bat ikusi du gimnasiako patioan. Baina Francok estatua erraldoi bat zeukan Ferrolen. Anita Alberdi ez da azaldu zinemarako hitzordura. Eta egun haietan guztietan hil zuten Franco.

      Jende xume horren gaiztakerian Francok behin eta berriz hil behar izan zuen egun zoragarriak bildu ditu Koldo Izagirrek bederatzi ipuin marduletan.

bideoak:
Sautrela (2017-02-03)
kritikak:
Diktadorearen bi gorputzak, Estibalitz Ezkerra, Gara, 2016-11-19
«Diktadoreekin antzeko zerbait gertatzen da; gorputz materiala hilda ere gorputz sinbolikoak segida izan dezake. Azken hori akabatzea zeinen garrantzitsua den gogorarazten digu Izagirrek».
Zapalduen ikuspuntua, Javier Rojo, El Diario Vasco, 2017-01-14
«Ezin dugu ahaztu ipuinetan nabarmentzen den jarrera estetikoa, Izagirreren literaturan etika eta estetika ezin banatu baitaitezke, berarengan ideologiaren aldetik abangoardian egon nahiak estetikan abangoardista izatea inplikatzen baitu».
Keinu xumeen politika, Ibon Egaņa, Deia, 2017-01-21
«Konplizitate handia eskatzen dio Izagirrek irakurleari beste behin ere, hari baitagokio geruzak hartu eta ipuinaren hezurdura osatzea, elipsiak betetzea, hizkuntza literario bakana deskodetzea».
Franco hiltzen, Alex Gurrutxaga, Berria, 2017-01-22
«Jario biziko narrazioak dira guztiak, azkarrak irakurrian, baina ez horregatik mamirik gabeak. Izatekotan, justu kontrakoa: arreta handia eskatzen dute, informazio dentsitate handikoak eta oso kondentsatuak baitira».
Franko hil zuten egunak, Mikel Asurmendi, argia.eus, 2017-06-28
«Franco hil zuten egunak leitu ostean, Franco hil gura zutenen gogoa ahitze bidean begitandu zait. Franco izan zein Churchill izan, su-hartzaileak, Basques' Harboureko zamaketariak kargatzera kondenatuta daude betiko, egarri egunak izanen dira berriz ere portu aldean».