Non dago Basques' Harbour
Non dago Basques' Harbour
1997, poesia
130 orrialde
84-86766-73-7
azala: J&P
Koldo Izagirre
1953, Altza-Antxo
 
2016, narrazioak
2015, nobela
2013, poesia
2011, nobela
2010, saiakera
2009, nobela
2006, poesia
2006, kantuak
2005, narrazioak
1998, nobela
1998, kronika
1996, erreportaia
1995, kronika
1989, poesia
1987, ipuinak
Non dago Basques' Harbour
1997, poesia
130 orrialde
84-86766-73-7
aurkibidea
 

 

HODEIPEKO OROIMENA

 

Atzamarrek zura laztandu zuten haztaka

Gurutzefikatu baten zauriak bilatzen genituen

Zaharberritzaileak ginen eta ukimenetik

Korastak karelak tapikuak sortu ziren

Bonantzako Kristoren elizako ate berdean

 

Txalo egin genuen klarionaren hautsa kentzeko

Buruketa zail bat egin bagenu bezain harro

Petrilean jarri ginen argazkilariaren ondoan

Itxaron dezagun eguzkia hodeipetik irten arte esan zigun

 

Argazkia egin zuenean hurbildu ginen ostera

Eta atzamarrak listuan bustita ezabatu egin genuen

Gure lana inork kopia ez zezan

Irakaslerik gabeko arbel miragarri hartarik

 

Trabesak egin izan genituen nork arinago marraztu

Buruz ikasi genituen ate hartako pailebotak bergantinak goletak

Baina orain galdua dugu umeak gineneko itsutasun argia

 

Zura margotua izan da aldiro

Baliorik gabeko Kristo bat balitz bezala

Polikromatuan hondoratu dira ontziak

Labankada haiek gure aitonen aitonek eskainiriko otoitzak

Balira bezala Ternura baino lehen bonantza eskatuz

Eta gure atzamarrek ezin dituzte jadanik azalera ekarri