Non dago Basques' Harbour
Non dago Basques' Harbour
1997, poesia
130 orrialde
84-86766-73-7
azala: J&P
Koldo Izagirre
1953, Altza-Antxo
 
2016, narrazioak
2015, nobela
2013, poesia
2011, nobela
2010, saiakera
2009, nobela
2006, poesia
2006, kantuak
2005, narrazioak
1998, nobela
1998, kronika
1996, erreportaia
1995, kronika
1989, poesia
1987, ipuinak
Non dago Basques' Harbour
1997, poesia
130 orrialde
84-86766-73-7
aurkibidea
 

 

HISTORIAREN EUSKAL LITERATURA

 

1626 abuztuak 5 Atlantikoan 40 tonako ontzi merkante bat

Polingeneko portutik dator zama desberdinekin

Nazionalitate zehaztugabeko batek jarraitua

Tripulante irlandarrek pirata turkoak dituztela uste dute

Eta babestu egiten dira Bearehaveneko gaztelu zaharraren harresien ostean

Lehorreratzen dira bizia salbatuz eta ontzia abandonatuz

Galwaykoa —irish Gaillimh— zen merkataria

 

Heldu dira piratak txalupa batean eta bela nagusia eramaten dute

Egiten dituzten oihuengatik kantuengatik turkoak zirela

Esan zuen legoa asko eginiko lemazain ohi batek

Daniel O'Sullivan da ofizial nagusia Bearehavenen

Ehun gizon biltzen ditu burdinak eta makilak banatzen dizkie

Jazartzen zaizkie turkoei eta hanka eragiten diete Beare uharteraino

Galwaykoa —irish Gaillimh— zen merkataria

 

Beareko behiek ikusi dituzte turkoak hanka bustian heltzen

Bearehaveneko irlandarrek turkoak uxatzen dituzte

Eta turkoek behiak Bearen bertan utzi behar dituzte

Ardoz ito ez zirenek Atlantikoz behar izan zuten ito

Ito ez zirenak behintzat beren ontzira heldu ziren

Ebatsiriko bela nagusiak zerbitzu ederra egin zien

Galwaykoa —irish Gaillimh— zen merkataria

 

Ontziratu dira ostera irlandarrak eta miaketa

Egin ondoren ikusi dute bela nagusiaz gainera

3 kupel bete oporto eta 40 dozena lapiko dizkietela eraman

Eta mareak turko itoak ekarri zituenean

Ikusi zuten turkoak ez zirela beltzak

O'Sullivan bezain kaskagorria zen bat

Galwaykoa —irish Gaillimh— zen merkataria

 

Baina inork ez zituen ezagutzen eta ezin jakin izan zuten

Itoek ez baitakite gaelikoz ezta ingelesez ere

Pirata haiek ez zirela turkoak euskaldunak zirela

O'Sullivan ingelesendako bezala espainolendako lanean

Edo menturaz Frantziako Erregearendako

Poema hau irakurri duen euskaldunak

Berehala sumatu ahal izan duen bezala

Galwaykoa —irish Gaillimh— zen merkataria