Non dago Basques' Harbour
Non dago Basques' Harbour
1997, poesia
130 orrialde
84-86766-73-7
azala: J&P
Koldo Izagirre
1953, Altza-Antxo
 
2016, narrazioak
2015, nobela
2013, poesia
2011, nobela
2010, saiakera
2009, nobela
2006, poesia
2006, kantuak
2005, narrazioak
1998, nobela
1998, kronika
1996, erreportaia
1995, kronika
1989, poesia
1987, ipuinak
Non dago Basques' Harbour
1997, poesia
130 orrialde
84-86766-73-7
aurkibidea
 

 

10

 

Kantari hasten nintzelarik liluratu egiten ninduten fokoek

Begiak balira baino biluztenago ninduten

Eta alarmak argiak itzalarazten zituelarik

Linternak ateratzen zituzten ofizial gazteek arauak hautsiz

Nire gorputza metrailatzeko Atlantikoaren erdian

Atlantikoaren azalean banengo bezala zabal

 

                  Utz nazazu hondoraino

                  Ezagutzen dut han

                  Inoiz zarratzen ez duen taberna

 

Orain batzuetan tristura etortzen zait ustekabean

Negarrez hasten naiz malkorik gabe

Pariserako trenaren fistuak abiatzea gaztigatzen duenean

Panpinatu egiten naiz eta ahotsik zakarrenaz

U-115 urpekontziaren himnoa kantatzen dut

Oroitzapenak hondoratzeko arao eztia

 

                  Utz nazazu hondoraino

                  Ezagutzen dut han

                  Inoiz zarratzen ez duen taberna

                  Utz nazazu heriotzaraino

                  Ezagutzen dut han

                  Beti zabalik duen maitasuna

 

Eta maitaleak daramatzan trenaren amorruak

Geltoki ondoko etxe honen argiak ikaratzen dituelarik

Nire biluztasunak alarma eragiten zuen garaia datorkit

Koru hordi bat datorkit etsaiaren 636 urpekontzi hondoratuetarik

Eta orduan bengala gorri bat lanbroan da nire kantua