Non dago Basques' Harbour
Non dago Basques' Harbour
1997, poesia
130 orrialde
84-86766-73-7
azala: J&P
Koldo Izagirre
1953, Altza-Antxo
 
2016, narrazioak
2015, nobela
2013, poesia
2011, nobela
2010, saiakera
2009, nobela
2006, poesia
2006, kantuak
2005, narrazioak
1998, nobela
1998, kronika
1996, erreportaia
1995, kronika
1989, poesia
1987, ipuinak
Non dago Basques' Harbour
1997, poesia
130 orrialde
84-86766-73-7
aurkibidea
 

 

BANDERAREN ZINA

 

Günter hartuko dut izena bolondresa izanen naiz

Kondenatu baten alaitasunaz harrikatuko ditut

Bidean agurtuko nauten epelak

Emakumearen ikarak ekarriko nau gerlara

 

Günter hartuko dut izena U-115 urpekontzian

Kermeza batean bezala eginen dut dantza

Etsaien hondo-kargen artean algaraka

Hordituaren harrokeriaz irainduko zaituztet

 

Günter hartuko dut izena bagoi bati helduta

Hurbilduko naiz geltoki ondoko etxeraino

Trenbideak balira bezain lasai iganen ditut eskailerak

Etsaiaren hondoratzea argazkitan hartzeko bezala dorrera

 

Günter hartuko dut izena eta portu okupatuak

Etxe gozo bat edukiko du geltoki ondoan

Heriotzatik banentor bezain ezaxolatua

Pastis bat eskatuko diot edozein Moniqueri

 

Günter hartuko dut izena III. Reicharen

Legea ezarriko dut ume baten ikarak mendekatzeko

Menturaz ez natzaizu eder izanen baina

Günter hartuko dut izena eta maitatu beharko nauzu