Non dago Basques' Harbour
Non dago Basques' Harbour
1997, poesia
130 orrialde
84-86766-73-7
azala: J&P
Koldo Izagirre
1953, Altza-Antxo
 
2016, narrazioak
2015, nobela
2013, poesia
2011, nobela
2010, saiakera
2009, nobela
2006, poesia
2006, kantuak
2005, narrazioak
1998, nobela
1998, kronika
1996, erreportaia
1995, kronika
1989, poesia
1987, ipuinak
Non dago Basques' Harbour
1997, poesia
130 orrialde
84-86766-73-7
aurkibidea
 

 

BATELARIAREN HARROTASUNA

 

Baina ni batelaria bera nintzen

Eta ez idazle bat

 

Maiatzetik udazkena artean turistek

Maiz hartu ahal izanen dituzte argazkian batelariak

Dorék edo Wilkinsonek edo Regoyosek eginiko apunteetarik

Atera dituzte jantziak

Lastozko kapeluak eta gona biziak

Ongi ematen dute herriko festetan

Arkupe egiten diete arraunekin ezkonberriei elizatik jatetxeraino

Eta orain batelariek berek uste dute

Inoiz Victor Hugo jauna eraman zutela txalupan

 

Eta ez idazle bat

 

Hastio dut Proventzako manera

Hastio ditut arraunak eta pintzelak

Senako bazterrak baino akuarelatuagoak daude

Nire sorterriko txalupak eta kaiak eta arrantzaleak

Ez dut haietan aurkitzen nik behar dudan artea

Antzinago daude nire erresumak

Armorikan Eskozian Walshen Erianen

Bardo zaharren maluretan

Batelaria bera nintzen

Idazle bat neramalako kontzientziarik gabe

Kerneko dialektoan kantari

Ha malloz-ru d'ar C'hallaoued!

Hori bai dela bertso eder bat mesié Hugo

Inbokatzen dut Amergin inbokatzen dut Cadwallan

 

Poesia bihotzaren portutxoa ere bada

Baina ni batelaria bera naiz

Eta ez idazlearen pertsonaia typique bat