XI

bat batean loreak

            this land is my land

            from california to new york island.

1979eko uda beroan

transpacific railwaysko

tren beltz historikoak

denveretik friscoera ninderamalarik

            uthe leinuko indioen eremu gorrietan

            iragana gogotik ehortzi nuen ehortzi.

uranio meategiak naturita colorado

            ostatuetan

            bi lur ikararen artean

            bruce springsteenen born to run

            entzun zitekeen

dean moriarty lotan zegoen

okey

bloody son of bitch!

ginsberg, ferlinghetti, corso

            burroughs, kerouac, andersen

                        on the road bierra merkeak edaten

                        indiatik ekarri ganja erretzen

                        eta estasis orduan

            jazz clubeko mahain zikinduetan

jainkoa aipatzen duten poemak idazten:

                        o thu god of america!

bat batean loreak

            this land is my land:

            john fitzgerald kennedy aireportuan

            beldurtzen ninduen geroari pentsatuz

            negar egin nuen

            from santagrazi to izaro island!

bat batean loreak

            dean moriartyren orroimenez...