Susa literatura - Boga boga

Amaia Ezpeldoi gure literaturako pertsonaia berezietarik bat da, eta detektibe honen bosgarren nobela dakar orain Itxaro Bordak, ezustekoz betetako kontakizun bizigarria.

Baionan zabor biltzaile lanetan jarduteaz gainera, aspaldiko desagertze bat argitzen tematuko da Amaia Ezpeldoi. Badira hogeita bost urte pasa Jana Elgebeltz garaztarra azkenekoz ikusi zutela, Santizpiritu zubian, 1985eko Baionako festetan. Alabaina, Janaren anaia Danielek esan du, bilatu duela leku guztietan, mundu osoa aspertu duela galdezka eta ez duela aztarnarik kausitu.

Bost neska adiskide eta alegeraren laguntzari esker, aferaren muinera gerturatzen hasiko da detektibea, eta pixkanaka konturatuko da nor zen Jana Elgebeltz: klandestinitatean engaiatutako ekintzailea.

elkarrizketak:

Itxaro Borda: “Ezpeldoiren bost nobelak progresioak dira, hizkuntza mailan eta norabide sexualaren onartze alorrean” (Hitzen uberan, 2012-10-19)

Itxaro Borda: “Iragana mitifikatzea gure jaidura nagusietarik bat da” (Argia, 2012-07-29)

bideoak:

Argia (2012-10-19)

Noaua (2012-05-31)

kritikak:

Aurrera doan ontzia, Iratxe Esnaola, Berria, 2012-07-01

«Etorkizuna optimismoz begiratzea eta berraurkitzearen aukeran sinestea azpimarratuko nituzke amaieratik, bukaera ez atsekabezko bat proposatu izanarekin batera. Iraganaz mintzatu nahi den baina aurrera doan ontzia».

Ikertzaile berezia, Javier Rojo, El Correo, 2012-10-13

«Pertsonaiari kanpotik datorkion identitatearen ezaugarri honen parean, bere barnetik sortzen den identitatearen bigarren ezaugarria, lesbianismoa, nabarmena da, gizakiaren identitatea zerbait konplexua dela erakutsiz, atal desberdinez eraikita baitago».

Boga-boga hondamendiraino, Txema Arinas, uberan.eus, 2018-08-16

«Badago liburu honetan gure gaur egungoari begiratu zorrotz, agian nekatu eta betiere oso kritiko bat, bai gure gizarte europear edo mendebaldarari egindakoa zein Baiona edo Iparralde inguruko euskal munduari».