urrezko gurdi majikoa

edozein dendetan eros daitekeen

bozeolari tipia besterik ez haiz

egunaren ispuluan barrena

noraezean gabarrak ordu lapurtuetan

ezin izan diagu atzo eskuartean gozaturiko

itsaso laranja hura uki usain

giltzapean zeukaten gorderik

pareta zartatuen etxean

zein tristeak garen batzutan

eta etzanda uzten haugu

horixketan ziutateko lanbropean

abiatzeko tenorea heltzen

adokinez bigundutako itsasadarrean

eta ikusiko gaituk apika

urrezko gurdi majikoetan urruntzen

hire ezpain gordinak eskuetan