postale bat bidal nezake gaur goizean

gehiago landu zenezake negarra

katu gosetien gisa

adreilu bigunez eraikitako ziutatean

begira girnaldaz piztutako abenidak

etxe biribil horiek

gau amaikaitzak diruditenak

eta ibai odoltsuak

herri zaharra mugatzen

karretera altua ere

nondik amiltzen diren

azken aingeruen itzalak

conffeti koloretsuak

ziutate irreala

negu goiztiri bateko lainope nabarrean

eta porlan muino mindulinak

aeroplanoen hegadaz engainatuak

agure petral bat

eta zakur deslaiak eta otsanak

eta harroputzak marrubizko

edifizioak begirada isilenak

                          mututuz