mintza gaitezen birtuteaz

Mintza gaitezen birtuteaz.

Izan nahi eta izan ginenaz.

Ala, dena ahantziz, inguratzen gaituzten

pareta zurbil hauek jasotako

zoriontasun guziaz.

Posible da eszenario bera izatea.

Bizirik bait dirau oraindio

mendebaleko ilargi haitziratsuak.

Mintza gaitezen sagastiaz,

betikotasunaren sagarraren garraz,

suz harrotutako lurralde oparoaz.

Aguro, bagaramatza eta.