BAZABILTZA, WIM

Bazabiltza, Wim, pianoa jotzen.

Eta nahiz eta urteak igaro eta gorputza zahartu,

nik beti berdin ikusten zaitut.

Mutil bat dago zure barruan,

behin izan zinen haurra

hortxe bizi da oraindik.

Entzun txarreko umea, bizkorra,

bizkorregia beharbada.

Isila zara oso.

Pianoa jotzea da zure berba egiteko modua.

Kantatzen duzu baina hitzik gabe, bakarrik soinuekin.

Izan ere, zergatik hautatu hizkuntza jakin bat?

Hobe da gramatika unibertsalera jotzea.

Handik sortu ziren munduko hizkuntza guztiak;

gizaki guztiak eta kultura guztiak

elkartzen dituen hizkuntza jatorrizkotik.

Egidazu mesede bat,

ez utzi inoiz jotzeari.

Jotzen duzun bitartean

umea biziko da.