IZARETAN ARGAZKIAK

Garai bateko oholezko etxeetan,

izarentzat izaten zen armairurik handiena.

Maindireak ziren ezkongaien ondasuna,

belaunaldiz belaunaldi brodatuak.

Eta arbasoen argazki zaharrak ere

hantxe gordetzen ziren izara artean.

Non hobeto izara artean baino,

non hobeto hartuko dute atseden hildakoek,

hego haizearen lurrina arnasten,

lo zuri luzean.