Eroriaren logika
Eroriaren logika
2009, poesia
104 orrialde
978-84-92468-11-9
azala: Iņaki Landa
Juanra Madariaga
1962, Bilbo
 
2003, poesia
1992, poesia
 

 

ZAZPIEHUN ETA ZORTZI

 

Begiraden kodeak

milimetro neurribakoak

intentsitate baten parametroak

ezin azal daitezkeen betileen kurbadurak

geldi egoteko amnesia

mendien distantzia luzea

egonarria egon eza

euria barruan eta kanpoan

artazien biktimak

koltxoi deserosoak ankerrak

ezin deskriba daitezkeen

figura geometrikoak zure ezpainetan

hoztasunaren deklarazioa

disfuntziorik ez

bakarra eta negargura

berriz bakardadea ozeano baten tamainakoa

zitriko baten bolumenarekin

hustasunaren karga kromatismorik gabe

ilun ilun-argi argi-ilun

bide ezezagunak beldurgarriak oro

desagertutakoen zerrendak

nire izena

artifiziorik gabeko akabantza

loturaren klaustrofobia

urrunegi dauden hodeiertzak

urrunegi dauden begiak

gaur bai bihar ez bitarteka

etxeko mamuen soslaiak

elkarrizketaren sinbologia

eskuen akordioa

energiarekiko miresmena

gerta zitekeenarekiko maitemina

lausoaren putzu afektiboa

zuritasunaren desertua

erromesaren inkognita

sexuaren intentsitatea,

delirioaren intentsitatea

ezerezaren intentsitatea

isiltasun abstraktua

dena galtzearen beldurra

tristezia putak dena izorratzen

limoien aroa