Eroriaren logika
Eroriaren logika
2009, poesia
104 orrialde
978-84-92468-11-9
azala: Iņaki Landa
Juanra Madariaga
1962, Bilbo
 
2003, poesia
1992, poesia
 

 

DOBERMAN EGUNAK

 

Nora doa begiratzen dugunean

ikusten ez dugun beste guztia?

Horrela hasten dira egunak,

doberman kateetan loturik dituzun eskuekin,

marmoken eden elektrikoarekin.

Papera hartzen duzu eta odola darizu begietan ere,

kalea ez da paradisua, arnas underground bat baizik.

 

Eta urratsek, igerilariaren atzean

urak ateratzen duen hotsaren antzo,

norabide okerra irakasten dizute isilik.

Parkeetako atsoengan asmatzen dituzu iragan krudelak,

erroldarako zenbakiak, partiduetako pastel zatiak,

baina begiratzen diezunean

nora doa ikusten ez duzun beste guztia?