METABOLISMOAREN PASIBITATEA

Epilepsiaren espasmoak etengabe

        jotzen du nire bihotza.

Arritmiaren dantza

        entseatu gabekoak,

        gorputz osoa.

Klabikordio batek

        sinfonia ironikoa

        jotzen du biriketan,

asko deliberatuko genuke

        arnas faltsua deszifratzen.

Mikrokosmos ulergaitzak

        behaztopatzen dira

        zuntz odolduetatik,

patenterik gabe abiatzen dira

        eginkizunetara.

Deitoragarria da

        kardiogramaren pasibitatea.

Itsasneska bat,

        kurloia asfaltoan botata,

        ematen du bizitzak.