Maite zaitut zeren eta

Vinguen els rems, que so d’estirp romeva!

J. V. Foix

Maite zaitut zeren eta. Gorputzak eskatzen didalako.

Manu eta azantz gabe uhinetik etorri zarelako.

Oihaneko sasitzarrak berde zoro batez etxola

Erramutzen dizulako, zerrailu eta barroterik gabe.

Nahi dudalako. Eromenaren erroak xurga nazala.

Segatua, amodioak duelako ene ohea bihikatu.

Badiaren haserrea eta gatza eragiten duten

Eskorpioiaren antsiak, iltzatuak, dakarzkidalako.

Ahulegia naizelako itsura nitaz jabetzen doan

marea biziaren aurkako barrakiaren eraikitzeko.

Indartsuegia naizelako hondamendiaren xotxek,

ni gabe izenpetu duten destinoari makurtzeko.

Urik sakonenak bakerik eta meniarik nahi ez eta

jatorriz beilaria naizela goraki oihutzen duelako.