Nola ez dira, bada,

ilun izanen olerkiok,

izkiriatzen baduk

nehor gutik konpreni dezakeen

hizkera huntan?

Hire deithoreak ez dituk neholaz

entzungor dagianaren

beharrirat helduren,

horrek ez baitantzu

dilindan daraman arrakadaren

kriskitina baizik.

Menturaz egun argiz

idazterat,

ez huke hosto zuririk

tristezia ulerkaitzez

istilduren,

bainan logabetarzunak

ebatsi izan dizkik

golkoan atxiki

ametsak oro...

w2000