Hiri mortua (1)

                (...) O miselle passer!

                tua nunc opera mea  puellae

                flendo turgiduli rubent ocelli

                                          Cat., III

                (...) dimisit columbam ex arca. At illa venit

                ad eum ad vesperam, portans ramum olivae

                viventibus follis in ore suo.

                      Biblia Vulgata / Genesis, VIII, 10-11

Leihoa irekita, goizero askatzen ditut

ene begietako txori goseak.

Luzaro ibiltzen dira hegaz airean gaindi

txolarre eta usoekin batera.

Arratsaldean, baina, beti itzultzen dira

goibel eta unaturik atzera,

mokoan primadera iragarriko zuen

oliba adar batño bat ez dutela.