Ez lanik, ez lagun;

ondasunik gabe

hemen nauzu gaur

astiaren jabe...

Pattarraren erdia

botilan datza lo...

Beste erdia burura

da jadanik igo.

Eskuetan lapitza

bana idazten dut:

bata txuria da eta

bestea txit ilun.

Lehenengoaz aireko

ehun lerro ikusezin

keak osatu hizkiez

bete nahian nabil.

Bigarrenaz uxatzen

ditut hosto alderantz

gogoan pausaturik

ditudan txoriak...