Gutunei koblak

Gutunik gabe astelehena, iragan zen

nahiko triste.

Asteartea, asteazkena, ez nuen izan

albiste.

Ostegunean, ostiralean, larunbatean,

igandez,

ez da gutunik batere iritsi, ez egunez

eta ez gauez.

Harorik haro doa denbora, ez du lehen ez

azkenik.

Galderak egin nituen baina, ez dut jaso

erantzunik.

Udazkenean aldegin eta, udaberrian

itzuli,

nork daki nondik nora doazen, hainbeste

xori migrari.

Ustekabeko xori migrari, iritsi dira

gutunak.

Ihazko galdera haientzako, heldu dira

erantzunak.

Baina berritu dira haroak, eta zahartu

galderak.

Gutuna iritsi baino lehenago, erantzun ditu

denborak.

Orain galdera berriak ditut, hegats arinez

hor doaz.

Hurrengo urtaroarekin ea, itzultzen diren

menturaz.

w1993

Musika: Ruper Ordorika