Argazki dedikatuak dibujatzen

Sasiak jaso egiten du argia

eta eman, berde ilunagotan.

Itzal uzkurragoen ertzak harrotuz

larre zurbilagotan zanpatzen bere burua.

Gatazka horrek izen urdina du

eta horia instante oso azkarretan.

Iheserakoan herdoilaren abizena hartuko du

trabeskako errainuez.

Etxearen atzekaldeko paretari

koloreak lehertzen dizkiolarik

presaka.

(gero atariari eta harri busti

erretiratuagoei)

Helbide bat asmatzen dut

direkzio bat.

Halako eta halako.

Bi puntu.

Gero karretera zolak bakarrik egiten du

argiaren atakearen aurrean

dizdir.

w1992