Hamasei bide luze, oihan eta larre:

Zeru urdinak gora, haurreko geriza

Gelditzen da umilki, ixil Oragarre.

Udako arrats batez, urrats min burua

Hatsa idorrik eta izerdi lasterrez

Emanik diot maite, noizbait ingurua

Bakar ihes ibiliz zedarri bazterrez.

Hilerri aitzinetik, pasatzean gero,

Urratu zait bihotza: hor arratsaldean

Oroitu naiz soroak zeinen ziren bero!

Baneukan erantzuna, betiko galdean:

Egundaino oinutsak daramazkit ero,

Orain edo sekula EZen lurraldean.