dauzkanagu eskutan

amnesia hedatzaleen aurpegira botatzekotan

prest

lotsarik gabe

          Dolores

erraiten hunan ez zirela pasatuko eta izar

laztanak negarrez dabiltzan

igaroko direlakotz barbariaren armadetako

soldadoak oraino

lotsarik gabe

          Dolores

eztitasunerako ildoak irekitzen ditugula

bakardadearen

usain garratza baizik ez dinagu aurkitzen

inguruan

lotsarik gabe

          Dolores

kartzela hotzetan dauden gure lagunak eta

ez ziguten azalduko

noiz itzuliko garen seaska kantuak eskain

ditzakegun altzora

lotsarik gabe

          Dolores

gelditzen zaizkigun berlingo hormako hiru

harri zorrotz piztien

begietara aurdikitzeko ugarteak miretsiko

ditugun artean

lotsarik gabe

          Dolores

ortzaizerantz so

hirekin

lotsarik gabe

          dolorez