PAKEA

Atseginez soina lasa;

aragi lagia,

katilu jausia,

xurga iturria.

Zubipean ezten islak

eraso bizia.

Jaiki! Urra! Isuri!

Gero... ur geldia.

II

JASA

Gurariaren zauritik

garrasi samina.

Lau iztar-suge kakoka,

arpegiak biurrika.

Zeruraino atsegina!

Aragiaren kurrixka:

Grina! Grina! Grina!

III

ZU

Eguzkia arrika

eguna kanpai joka

baso ilunari;

goiza loretan lertzen,

argia kantari...

Ta nere besoetan,

zu, nere poz, Mari!