euritan banoa;

oinak lurrean, goian

amesen ur-loa.

Aterkiz jasango det

euri erasoa;

gogoak ezin uxa

barneko lainoa.

Zeru sapaian mila

txulo sortu dira;

andik milaka ari

datoz lur bustira.

Aterki au kaio

da nere begira;

burdinari bustiak

nere jira-bira.

Ala noa bizitzan

loturaz betea;

biotzaren lokarri,

gurari katea.

Nai ta ezin zabaldu

amesen atea;

nere baitan baitizut

gogo espetxea.

Eguzkiak urra du

zeruko goibela.

Aterkia bituta,

argi det txapela.

Ies doakit gora

bulkoen txanela.

Ames egin det berriz

nere esku naizela!