Harrien lauhazka
Harrien lauhazka
1998, poesia
96 orrialde
84-86766-91-5
azala: Iņaki Martiarena
Iņigo Aranbarri
1963, Azkoitia
 
2018, narrazioak
2014, nobela
2011, nobela
2008, nobela
2006, saiakera
2000, poesia
1997, kronika
1994, nobela
1989, poesia
1986, poesia
 

 

PORT SARAJEVO

 

Lehengo ez bestelako itsasotan eman dugu hondoa

Portuetan bandera ederrenez agurtu gaituzten ontziok

Gasoil gabe, ur bidoi gabe, tripulazio gabe

Gure elkartasuna metalezko nondik bat da

Norarik garbieneko, noraertzik ikusgarrienaren begi bistan

Eta dardara egiten du olatu orain biziagoen sehaskan

 

Lorik ez hartzeko diote lehorretik: adore izateko

Lehenbiziko amodio haiek bezalaxe maite gaituztela

Eta lainoa altxatu orduko eroango gaituela

        haizeak hondarretara

Eta eurekin batera izanen garela geu ere libre

 

Baina niri min kristal ehoak zure begietan

Han izan gabe naiz han

Badakit zer den zubia lehertu aurreko isiltasuna

Mortero baten esperantza izen zaileko menditik

Goizalbarekin beti ezezagun bereei ematea lur heze

 

Han naiz han izan gabe

Ilargi berriak ostentzen du gure nahiaren geldia

Ezinez gara garena

Zuztarrik gabeko alga azulak dakartza guregana mareak

 

Zuen hondarrak hondarregi dira gure ontzientzat