Harrien lauhazka
Harrien lauhazka
1998, poesia
96 orrialde
84-86766-91-5
azala: Iņaki Martiarena
Iņigo Aranbarri
1963, Azkoitia
 
2018, narrazioak
2014, nobela
2011, nobela
2008, nobela
2006, saiakera
2000, poesia
1997, kronika
1994, nobela
1989, poesia
1986, poesia
 

 

ZOR NIZUN ITZULPENA

 

Hitzaz ez besterik min egin diezazudan

        lortuko duzu azkenik

Berba hiltzailea. Beha duzun Aingeru Ezpataria

Izan ez naizen herriren batean kopiatu nituen hitzak

Harria zauri denetik zor dizudan itzulpena

 

Aste batzuk berantago irratira deitu nuen

Emakume ahots batek erantzun zidan

Botila zure ondoan agortu zen. Lo zeunden

Zure logelako ateak argitara zabaltzera egiten zuen

Sagar beltza zirudien maratila lehertuak

Eta atsedena behar zuen isiltasunak

 

Nire herri kaskamoztua

Atxiloketa eta bakardadeko arreba nirea

 

Lo zeunden eta zu iratzartzea zerua sutzea zen

Kanpoan ateri zen

Telefono hariak poste gainetan abailduta

Gaua erretzen ari den itzal bat bezalaxe erretiratu zen

Egunsentia ederregia zen ezeren beldur izateko

Ahots arrotzetan emandako maitasun mezuak

Beha duzun Aingeru Ezpataria

Oraino zor dizudan itzulpena

 

Heriok egunkaria irakurtzen du

 

Dardara egiten dute argiek urrunean

Paper zaharraren koloreko