Harrien lauhazka
Harrien lauhazka
1998, poesia
96 orrialde
84-86766-91-5
azala: Iņaki Martiarena
Iņigo Aranbarri
1963, Azkoitia
 
2018, narrazioak
2014, nobela
2011, nobela
2008, nobela
2006, saiakera
2000, poesia
1997, kronika
1994, nobela
1989, poesia
1986, poesia
 

 

AUTOPSIA

 

Ez dut asmatuko egoki gordetzen datozen egunen tartean

Eskua ezarriko didate, erraiak arakatuko

Elurretan abandonaturiko barrunbeak argituko ditu

        eskuargiak

Egundo erabili gabeko altzariak horma umelen kontra

        pilaturik

Dagoeneko ezer islatzen ez duten leiho hautsiak

 

Etsipenak kausituko dituzte, ezinezko maitazarreak

Inoiz izanen ginenaren hazgarri galdua

Inoizko denboretan poltsiko zorroetan gordetako errautsez

        zikinduko dira atzapar gosetiak

Izanen da pozarren agertuko denik:

Gorroto gogortuen hondarrek

        lagunduko dituzte harako ibiliak

 

Ezer gutxi esku ezezagun bati heldu nahian

        itotzearen ondoan

Ezer gutxi ostera hondarratzearen hilduraren aldean

 

Zer ote du. Zergatik horrenbesteko izua bihotz eri bati

Eta osten segitzen digute gorpua hoztu orduko

 

Eite gaitzeko herri batean sortzea suertatu zaigu zinez