Lur bat zure minari
Lur bat zure minari
1995, poesia
68 orrialde
84-86766-58-3
azala: Nicolas de StaŽl
Jose Luis Otamendi
1959, Azpeitia
 
2019, poesia
2014, poesia
2007, poesia
2000, poesia
1999, narrazioak
1990, poesia
1987, poesia
 

 

Ezinaren argi

 

Lur hau bazina bezala ez zara aldean eroan litekeen armarria

Ez zara zuztarretik erauzi laharra ez paparrera bildu gura den kanta

Gerri bakoitza da defenditzeko ezponda

Ez naiz doluz jantziko gure maitetasunagatik

Ni ez naiz hilkantaria ez ditut trenen abistuakharrikatuko

Oren berri bat nahi dizut bihotzeko hegoalde birreraikitik

 

Dena amaitu dela badiot faltsuketaria naiz

Mintzo garen bihotza ikasibako kreolera da

Atzo hasi da berriz ramadan atzendu bat

Zure eta nire ahoskeran kabitzen ez diren laharrak, eta hor zauzkat

Goza zaitzakedan lurra goza zaitzakedan gaua itzalekin lehiatu beharrez minak

Meatze abandonatu bateko isiltasuna legezko galderak

Ez gara elkar besarkatzeko kosta noiz hondarratuko gagozanak

Jitoak kelarrezko ferrietan daroa akordua

Eta lur honek badu ni ez naizen zenbait ezponda garratz

Izen bat etorri ezinak idazteko erak

Bertan dira gure ezinaren argiak

Uki nazazu, zure hatzmarkak aspaldi ezabatu ziren nire gorputzetik