Lur bat zure minari
Lur bat zure minari
1995, poesia
68 orrialde
84-86766-58-3
azala: Nicolas de StaŽl
Jose Luis Otamendi
1959, Azpeitia
 
2019, poesia
2014, poesia
2007, poesia
2000, poesia
1999, narrazioak
1990, poesia
1987, poesia
 

 

Sabelizketa

 

Ogia banatu duten garaian lo nengoen

Zu zintudan ments ez bakea

Bitartean mindu egin da elurra

Ezkaratzetan

Itoen ubera guritu du jitoak

Eta almitza bihotzeraino haztera dabil

Beti aurki nitzake ehun arrazoitik gora

Inor maitatzeko

Ezinaren testigantza anitz

Hurrengo zitak saihesteko koartadak

Setiatzaileen aipuak askatasunaz

 

Zugaz ez banago sabeliztuna naiz

Eta poema bateko hesi itsu batek bezala hitzegingo dut iluntzean

Eta hilen elderrak jango dit bihotza

Eta karroinak lehertuko zainak inongoa ez izateko gehiago

 

Errazegia da etsaiei egoztea zorionaren kalteak

Bizia baino ederragoa irudika zaitzaket oraindik

Zure eskuaren bila nenbilela argitu du goizak

Biktimarik gabe

Errukirik gabe

Etsita nago muga-lurrok bakera ezinak direla