Lur bat zure minari
Lur bat zure minari
1995, poesia
68 orrialde
84-86766-58-3
azala: Nicolas de StaŽl
Jose Luis Otamendi
1959, Azpeitia
 
2014, poesia
2007, poesia
2000, poesia
1999, narrazioak
1990, poesia
1987, poesia
 

 

Urrutimin

 

Ez iezadazue deitu itoak identifikatzeko

Utzitzazue jitoaren ibaian

Utzitzazue bihotz baten zokoan

Behiala ibilitako lurrak sutan dira orain

Ilenti bilakatu dira bero maite izandako ezpainak

Aurrera joanak dira lastargi ederrok

Ezingo dute aurton euskararik ikasi

Ez dute etxerik jasoko libertatearen eguteran

Bilaitzazue euriak garbitutako ogasun aitorpenetan

Bilaitzazue ohe hoztu berrietan

Igor iezaizkiezue mezu zuzpergarriak

«...badakizu non duzun etxea»

Iluntze bakoitza damuari aitzi hautsitako menia da

Itutea sukaldeko mahaian esku bat akribilatu ezinean

Isilaren indarra ebatzi genuenetik zenbat ume jaio den ikustea

Hotsegiezue maite-izenez zubien alde honetatik

Hotsegiezue beti azkenaren ostean aukera berri bat badela sinesteko gertu balira bezala

Hotsegiezue beti euskal etxeak urrun direla esateko

Hildako batek prentsaurrekoa deitu du ileapaindegi baten aurrean

Hil egingo zintuzketet baina zeuekin bizi naiz

Zeuen paparraren berora biltzen naiz beldurrak hartzen nauenean

Batzuk ogitara eta besteak ahazmenera jendeak desfilatu egiten du

Luiziz bakarminez — leba leba — handi datozen uretan