HARRI METAK

eta landu behar ditugu lursailak

laiez goldeez alperrarriez

lanabes zaharrez

eta alorrak atondu

harri haziak ereiteko

erne daitezen harriondoak

eta udazkenean harriondoen adarretatik

zuhaizpera eroriko dira harriak

gure izerdiaren fruitu astunak

eta uzta metatan bilduko dugu

haize zakarra datorrenean

berarekin eraman ez dezan gure lurra