TIRAKA

aspaldi erasandako soketatik

ari gara tiraka

zer ekarriko zer agertuko

ez dakigula

beharbada tren ugertu bat

oren zaharrez zamatutako bagoiak

errail kiribilduak eta

trenaren aurrean iragana amildegi eginda

edo arrastaka barku bat

azpian ur gatzitua dakarrela

hegazkinak eta zeruertzak

haratago eramango gaituzten ibilgailuak

eta bideak

jarrai dezagun tiraka

milimetroka zerbait hurbiltzen ari da eta