INDUSKETAK

zerbait galdu bagenu bezala gabiltza

zaurietan lurra harrotzen

indusketak egiten elkarren barnera

ez dago brontzezko estatuarik

urrezko txanponik ezkutuan

arkeologia hits bat da

hezur harri-bihurtuak baino

ez ditu estaltzen hondar honek

ezin naiteke hatz urratuokin beherago heldu

minduegi ditut bi eskuok

eta bihotz fosilak non topatuko beldur naiz