Zure eta nire artean

Beti gau hau hatzetan katigatua

Amaraun iluna bailitzan

Noiz arte

Aurki zaitzaket begiak itxirik

Hitz tarteetan ezkutatuz

Gure kale-kantoi haietan bezala

Maitaleen gorputz hautsiek min dute

Ez dago ezer haien begietako haitzuloetan

Bihotz tirokatuetan

Gerrak irabazi du

Oihumin bat da gaua urratu duen zantzu bakarra

Noiz arte

Ez dut ezer esateko gogorik

Hobe isildu

Eskua gau-lore bat bezala itxi zait

Gauak ene soa ezabatu du

Zutaz oroitzen naiz hotsik egin gabe